Бұдан 20 жыл бұрын, 2005 жылғы 13 мамырда Өзбекстанның Әндіжан қаласындағы наразылық шеруін үкімет күш қолданып басып-жаншыды. Әскер мен полицейлер Әндіжан алаңына жиналған жұртқа оқ боратқан. Ресми мәліметте 187 адам өлген деп көрсетілген. Алайда түрлі бейресми деректер қаза тапқандар бұдан әлдеқайда көп екенін айтады. Халықтың көпшілігінде қару болмаған, олардың арасында әйелдер мен балалар, қарттар да жүрген. Халықаралық ұйымдар бұл оқиғаны "Өзбекстандағы қатыгез режимнің бет-бейнесін ашып берген қанды қырғын" деп те атайды. AFP, epa, RFE/RL суреттерінен жасалған фотогалерея.
Әндіжан қырғыны
1
Жаназаға жиналған жұрт. Тұрғындардың айтуынша, қырғында қаза тапқан кейбір адамдардың сүйегін өкімет жинап әкеткен.
2
Әндіжан тұрғындары қырғында қаза тапқан адамдарды жинап жүр.
3
Үкіметтің қарулы сарбаздары наразылықты күшпен басып-жаншығаннан кейін Әндіжан көшелерін бақылап тұр.
4
Әскер халыққа оқ боратқан алаңда өртенген көліктердің қасынан өтіп бара жатқан адам.
5
Әндіжандағы қырғыннан кейін жүздеген адам Қырғызстан шекарасын бетке алып қашқан. Қырғызстанның шекара маңындағы Бараш босқындар лагерінде жүрген адамдар.
6
Чехиядағы босқындар жатақханасында тұрған әндіжандық әйел.
7
"Терроризм" айыбы тағылған Әндіжанның 15 тұрғынының ісі Өзбекстан жоғарғы сотында қаралып жатыр. 2005 жылдың қыркүйегі.
8
Әндіжан көшесінде ілініп тұрған Өзбекстанның сол кездегі президенті Ислам Каримовтың суреті. Каримов Әндіжан оқиғасын тәуелсіз тергеуге рұқсат бермеді.
9
2006 жылдың мамыр айында Брюссельдегі Өзбекстан елшілігі жанында Ислам Каримовке қарсы шеру өткізіп тұрған адамдар.
ПІКІРЛЕР